影片
更多
2012-04-10
23 浏览
今日同男友出CWB行街,見天后係附近,想lunch試下天后既出名食店,上OPENRICE見到呢間排第一頁,仲要係入圍熱店,200多個笑臉,諗住實冇死啦,搵左好耐,行到去見到好多人係入面食緊;我地企左幾分鐘,D伙計忙到冇時間問我幾多位,我地就出番去門口等,我地排第一都要等成10分鐘先有個女人出黎問幾多位。坐低之後,睇下個餐牌: 嘩!入圍熱店姐,一碟醉雞菜飯50蚊,見到都呆一呆,撈麵都成42蚊個,轉伊麵底加$5,最後我地兩個人叫左: 咖哩牛腩撈伊$47, 清湯牛根撈伊 $47, 醉雞 $40 = $134d野等左15分鐘到,見到個賣相都ok,一食, 其實同普通車仔麵冇分別,名過於實,都唔知點解會讚到佢咁好食,仲要係入圍熱店!? 中晒伏!跟住我問我男友覺得如何,佢細細聲話:普普通通啦! 之後我男友見到一個企係收銀處既帶眼鏡女人啤左我地一下,我地都冇理到,亦都冇再出過聲。我地食唔晒d麵同餸,唔想浪費所以想打包拎番屋企,之後叫個伙計: 唔該比個外賣兜我呀... 跟住收銀處既帶眼鏡女人拎住個外賣兜行過黎,好不屑咁問我地 : 做咩呀?拎番屋企餵狗呀? 之後就"訂"底左個兜行開左我同男友當時真係呆左,
搵左好耐,行到去見到好多人係入面食緊;我地企左幾分鐘,D伙計忙到冇時間問我幾多位,我地就出番去門口等,我地排第一都要等成10分鐘先有個女人出黎問幾多位。
坐低之後,睇下個餐牌: 嘩!入圍熱店姐,一碟醉雞菜飯50蚊,見到都呆一呆,撈麵都成42蚊個,轉伊麵底加$5,
最後我地兩個人叫左: 咖哩牛腩撈伊$47, 清湯牛根撈伊 $47, 醉雞 $40 = $134
d野等左15分鐘到,見到個賣相都ok,一食, 其實同普通車仔麵冇分別,名過於實,都唔知點解會讚到佢咁好食,仲要係入圍熱店!? 中晒伏!
跟住我問我男友覺得如何,佢細細聲話:普普通通啦! 之後我男友見到一個企係收銀處既帶眼鏡女人啤左我地一下,我地都冇理到,亦都冇再出過聲。
我地食唔晒d麵同餸,唔想浪費所以想打包拎番屋企,之後叫個伙計: 唔該比個外賣兜我呀...
跟住收銀處既帶眼鏡女人拎住個外賣兜行過黎,好不屑咁問我地 : 做咩呀?拎番屋企餵狗呀? 之後就"訂"底左個兜行開左
我同男友當時真係呆左,邊度會有人咁樣同d食客講野ga? 我地又唔係唔比錢,又冇踩佢d野唔好食,只不過細細聲講d食物普通,洗唔洗咁既態度先?佢suppose人人去到都要話好食ga咩?唔可以覺得普通ga?各位小心d呀,去到唔好話唔好食呀,小心佢再出言講埋d咁既野令食客頂住條氣,我本身都唔想串番佢,但我見佢係我地張桌行來行去唔知做乜,又係咁望住我地同其他伙計講野,話緊我地話佢地d野唔掂,咁試問真材實料好食既又怕咩人話普通先? 佢大可以由得我地ga wo! 佢d咁既態度令人反感到不得了!
我當時真係頂唔順講一句: 唔好食梗係比狗食啦 真係狗都唔食啦
就黎食完,仲有個味精湯味飲,諗住坐下先,果個女人又係度行來行去望下望下,等我地走,等執野,都唔知佢想點,出面係多人等,但都唔係咁樣趕客下話!?真係食到一肚氣!
除左服務態度極度惡劣之外,d野
食認真係普通,麻麻地,唔值咁貴,只貴係個名度
－咖哩牛腩撈伊 d咖哩冇咖哩味,又稀又唔辣,得個黃字; 牛腩雖淋但好散,唔多掂,薯仔唔入味,烚薯仔一樣; 撈伊麵冇醬油,只係隔左d水加咸味,似公仔麵多d; (2.5分/5分)－清湯牛根撈伊 牛根雖淋但冇味,要落佢d唔辣既辣油食先叫ok ; 同樣 撈伊麵冇醬油,只係隔左d水加咸味,似公仔麵多d; (2分/5分)
－醉雞 件數唔多,而且"鞋",普通一間台式小食店既醉雞都好過佢; 冇酒味得怪味又多血 (2分/5分)
－味精湯 度度一樣,飲完會口渴 (1分/5分)
總結,食到一肚氣...特別係對果位大嬸既一句:拎番屋企餵狗呀? 既言論，感到呢間唔可以成為入圍熱店,我完全唔相信入圍熱店既服務態度可以係咁惡劣!下次唔會再去食,極度失望!
张贴
