韓國屋 (已結業)

本人極好韓國菜，諗住生日又買左戲飛，所以就試下呢間所謂嘅韓國屋。我見佢地未有客，行埋去問一句，個樣野食跟唔跟野飲，個個態度真係不得了，好唔滿意咁答左我一句唔跟，然後仲要補多句「咁你而加想要咩呀？」其實我只係問一句，個態度可唔可以好少少。本身已經有啲嬲，點知一食個餐，直頭想反檯。個個不知所謂嘅海鮮純豆腐辣湯，我只係搵到一隻蛋、五毫子左右大嘅八爪魚仔同一樣SIZE嘅蜆仔、兩舊豆腐同湯。雖然我知道呢個價錢唔會有好多好正嘅海鮮，但唔係少到咁下話？冇蝦都比條蟹柳呀！至於個牛肉泡菜炒年糕，得個幾舊牛唔再講，仲有啲奇怪嘅味，都唔知食左啲咩野。呢間咁嘅野，野又唔好食，員工態度又極差，唔會再有下次囉！