鮮選壽司 (已結業)

一直以來都睇到一啲人話呢度有幾差。我以為係啲人誇張。諗住佢哋係Donki嘅分支，應該都會有啲保證。冇諗過會咁差。佢都有一啲優點嘅。就係唔需要等位。但係除咗呢樣嘢之外，真係諗唔到有乜嘢優點一坐低，枱面已經擺好左兩個位。望一望，原來其中一隻杯已經浸咗半杯水。究竟係咪上一手飲完嘅嘢未收？睇到呢一度已經冇咩心情。同個侍應講，佢俾過隻杯我。但我已經質疑緊枱面嘅碟同埋筷子係咪都係二手。我整濕咗張紙巾，抹一抹隻杯。！啡色嘅。我發誓我只係用清水抹一抹隻杯入面。好在我有咁做姐，如果唔係，我咪飲晒落肚？出面茶餐廳都冇佢咁過分。已經坐低咗啦，咁咪求其叫幾點嚟試下囉。可能食物質素OK呢？用iPad落單，發覺冇咩選擇。同埋好多嘢都已經售罄。最後只係點到七樣嘢。但後尾嚟咗8碟嘢。同個侍應反映，佢哋同一款壽司比多咗一碟。係三文魚腩壽司。個侍應望住碟壽司，又望一望我哋，話不如就咁俾我哋啦。佢都唔知點樣處理。佢既然咁講，咪擺低囉。咁就出事啦。兩碟三文魚腩壽司，第一碟正常嘅。食第二碟，臭嘅。雖然呢一碟佢冇收我錢，我都冇諗住佢會發臭。即刻lur出來. 不過既然我只係俾咗一碟錢，咁冇理由再投訴佢啦。但都要話俾大家聽，如果食到