稻香超級漁港 (已結業)

今晚本應想去稻香食八點半後火鍋任食，去到稻香見無人等位已經覺得奇怪，原來已經無咗火鍋任食，得番星期一至日八點半後火鍋料及湯底半價。我哋選咗醉雞鍋，有半隻雞，湯底唔算好濃，不過半價就算可以，飲品仍然係任飲👍🏻，有汽水、荳漿、支裝涼茶等，醬料係自助，唔洗加錢。火鍋料唔好期望太高只係普通貨式，我最鍾意菜籃同韭菜餃，湯底嘅雞件都嫩滑。服務方面，見佢哋人手充足，侍應有主動加湯，清理火鍋料嘅碟等。環境方面，枱與枱距離都闊，仲有卡位，我覺得食得安心🤗。最後埋單每人$150左右，同任食差唔多啦，仲要無任食咁浪费食物。