影片
更多
2019-10-04
71 浏览
今餐嚟cwb 食台式精品火鍋，一出電梯就見到傳說中嘅電子天燈，客人可以係個ipad 自訂訊息入個天燈到，然後係個大電視到顯示返出黎。入面有一個自助醬汁corner，有豉油，香醋，芫茜，蒜茸汁，辣椒，沙茶醬，炸蒜同蔥。我地點左個膠原蛋白美人鍋丶美國安格斯雪花肥牛丶夜市炸臭豆腐丶墨魚丸丶鹹蛋炸魚皮丶番薯苗丶稻庭烏龍麵丶烏梅汁及杭菊露。膠原蛋白美人鍋有一烏雞斬開兩半，桃膠丶紅棗丶黑棗丶金華火腿丶香菇等。 個湯好清香，冇乜味精，好滋補，試完一啖之後即刻再倒多碗飲，好味到差啲唔記得留湯打邊爐。 隻烏雞都算大隻，個侍應好好，主動offer幫我地剪細舊啲，方便食用。雞肉好滑，再吸埋啲湯水味又再昇華到另一個層次。雪花肥牛卷埋一卷，未食就已經贏左個plating 。牛肉肉質好林，肥瘦均稱，淥完之後都冇縮，點一點醬汁食，十分好味。臭豆腐臭味十足，外皮炸得好脆香口，配上甜醬，真係有幾分似台灣夜市臭豆腐。墨魚丸自家手打出黎，大細適中，淥完之後仍然保留住淡淡嘅墨魚味，好軟滑，唔痴牙。咸蛋炸魚皮幾大碟，廚房應該用左好多鹹蛋黃，鹹蛋味好濃外，魚皮好脆，不過個人鐘意淥到半軟半熟食。番薯苗新鮮冇草青澀味，食咁多肉食啲菜
入面有一個自助醬汁corner，有豉油，香醋，芫茜，蒜茸汁，辣椒，沙茶醬，炸蒜同蔥。
我地點左個膠原蛋白美人鍋丶美國安格斯雪花肥牛丶夜市炸臭豆腐丶墨魚丸丶鹹蛋炸魚皮丶番薯苗丶稻庭烏龍麵丶烏梅汁及杭菊露。
膠原蛋白美人鍋有一烏雞斬開兩半，桃膠丶紅棗丶黑棗丶金華火腿丶香菇等。 個湯好清香，冇乜味精，好滋補，試完一啖之後即刻再倒多碗飲，好味到差啲唔記得留湯打邊爐。 隻烏雞都算大隻，個侍應好好，主動offer幫我地剪細舊啲，方便食用。雞肉好滑，再吸埋啲湯水味又再昇華到另一個層次。
雪花肥牛卷埋一卷，未食就已經贏左個plating 。牛肉肉質好林，肥瘦均稱，淥完之後都冇縮，點一點醬汁食，十分好味。
臭豆腐臭味十足，外皮炸得好脆香口，配上甜醬，真係有幾分似台灣夜市臭豆腐。
墨魚丸自家手打出黎，大細適中，淥完之後仍然保留住淡淡嘅墨魚味，好軟滑，唔痴牙。
咸蛋炸魚皮幾大碟，廚房應該用左好多鹹蛋黃，鹹蛋味好濃外，魚皮好脆，不過個人鐘意淥到半軟半熟食。
番薯苗新鮮冇草青澀味，食咁多肉食啲菜，係幫助消化嘅好選擇。
烏龍麵一份好大盤，我地兩個人可以每人食兩碗，未飽都即刻食到飽。麵條粗幼啱啱好，軟滑得黎又易咬，吸埋湯嘅精華之後更加好味。
烏梅汁酸酸甜甜，食得咁濃味飲返可以refresh 下，又或者飲菊露降下火又得，依方面餐廳都諗得幾周到。
最後食左七百幾蚊，不過我覺得食物質素值依個價，加上員工服務態度幾好，會主動加湯，令用餐體驗更加舒服。台式精品單點火鍋，不用飛台灣也吃到啊！
张贴
