一茗堂 (已結業)

今日去了位於南山邨新開的一茗堂飲早茶，去到唔洗等位，裝修企理，人唔多，舒舒服服，招呼周到，禮貌都唔錯，會主動埋泥吹下水，雖然第一次去，但覺得好nice講返食物質素，最好食係燒賣同牛肉球比出面酒樓大粒，食得出係當日新鮮做，同落單即蒸，非常好食牛肉球都係一樣係大大粒，粉唔多，牛肉新鮮，一啖咬落去相當滿足其他點心就不過不失，不過豬大腸都好好味，就冇乜特別，價錢方面都合理，2個人食平均70$，已經食到好飽，值得下次再去試下其他點心！