影片
更多
2019-09-21
147 浏览
💡Beefar's 鹿兒島燒肉尖沙咀金馬倫道8號The Otto酒店2樓-----對上一次去日本已經差唔多係年幾兩年前 最近係電視見到日本旅遊介紹 搞到B仔D思「鄉」愁緒出曬黎 所以就約朋友黎呢間鹿兒島嘅過江日式燒肉店食dinner 呢度主打當地出產嘅薩摩和牛 所謂薩摩和牛 即係A4等級以上嘅鹿兒島黑毛和牛 beefar聲稱佢地嘅和牛全部由得獎飼養員飼養 再每日由自家農場直送到店鋪入面比客人食 講到咁勁 搞到B仔同朋友都十分期待 除左A4之外 佢哋仲有非常矜貴 被稱為4%之奇跡嘅A5和牛售賣 不過價錢就當然一分錢一分貨啦😆-◆Purple diamond（$48)：食燒肉要配啤酒是常識吧 不過呢次B仔就唔想飲普通啤酒 想飲d特別少少嘅 咁啱見到佢地新出幾款夏天特飲 就叫左杯巨峰提子汁Kirin生啤試下 提子汁令Kirin生啤嘅清甜味多左幾分香甜感 整體提子汁無掩蓋到啤酒味 比例控制得唔錯🍺-◆山葵八爪魚粒生菜包（$48）八爪魚新鮮彈牙 山葵辣而不嗆 泰式生菜包食得多 日式生菜包都係第一次食 無失望 如果份量再多d會更happy🤣-◆薩摩牛Yaki shabu上等牛後腿肉($138)
尖沙咀金馬倫道8號The Otto酒店2樓
-----
對上一次去日本已經差唔多係年幾兩年前 最近係電視見到日本旅遊介紹 搞到B仔D思「鄉」愁緒出曬黎 所以就約朋友黎呢間鹿兒島嘅過江日式燒肉店食dinner 呢度主打當地出產嘅薩摩和牛 所謂薩摩和牛 即係A4等級以上嘅鹿兒島黑毛和牛 beefar聲稱佢地嘅和牛全部由得獎飼養員飼養 再每日由自家農場直送到店鋪入面比客人食 講到咁勁 搞到B仔同朋友都十分期待 除左A4之外 佢哋仲有非常矜貴 被稱為4%之奇跡嘅A5和牛售賣 不過價錢就當然一分錢一分貨啦😆
-
◆Purple diamond（$48)：食燒肉要配啤酒是常識吧 不過呢次B仔就唔想飲普通啤酒 想飲d特別少少嘅 咁啱見到佢地新出幾款夏天特飲 就叫左杯巨峰提子汁Kirin生啤試下 提子汁令Kirin生啤嘅清甜味多左幾分香甜感 整體提子汁無掩蓋到啤酒味 比例控制得唔錯🍺
-
◆山葵八爪魚粒生菜包（$48）八爪魚新鮮彈牙 山葵辣而不嗆 泰式生菜包食得多 日式生菜包都係第一次食 無失望 如果份量再多d會更happy🤣
-
◆薩摩牛Yaki shabu上等牛後腿肉($138) 由細到大都養尊處優 可能比B仔生活水平更高嘅和牛 一睇個樣就知一定好食 每一塊肉 油花都細緻到好似藝術品咁 由於係後腿部位 食落唔會入口即溶 但肉質結實得黎又足夠軟腍 油脂豐腴得黎又唔會過份heavy 牛汁滿滿 牛味濃郁 食完令人齒頰留香 沾埋生雞蛋食就更加幼滑無比 如果我唔係窮 真係會日日都想食😂
-
◆甘熟豚煙肉（$78) 雖然佢地最出名係食和牛 不過豬望落亦好吸引 所以都忍唔住叫黎一試 豚煙肉幾厚切 調味適中無過鹹 肥瘦亦算均勻 好少烤肉店將豬整成煙肉攞黎燒 幾特別🐷
-
◆日本黑豚肉（$68）雖然脂肪比例較高 但豚味極出 好有驚喜 好味程度唔輸和牛好多 點埋佢自家製嘅柚子胡椒 味道就更突出 更令人印象深刻🤤
-
◆冷讚歧烏冬（$48）食完烤肉之後 食返個冰涼凍烏冬 感覺非常舒服 材料有泡菜 蛋絲 青瓜 同大蔥絲等等 配埋Q彈有韌勁嘅烏冬 簡簡單已經足夠美味
-----
👶🏻B仔整體評價：8.5/10個👍🏻
👶🏻B仔抵食程度：7/10個👍🏻
👶🏻B仔環境評分：8.5/0個👍🏻
👶🏻B仔味道評分：9.5/10個👍🏻
👶🏻B仔回頭機會：9/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowtst
张贴
