王林記潮州魚蛋粉麵

营业中

休息中

唔知大家去親筲箕灣東大街係咪都會食魚蛋粉，如果唔想跟大隊排安X，行過幾個鋪位仲有王林記，質素絕不遜於安X，最緊要係，冇咁多人。呢度有樣名物係安X冇的，就係香蔥魚蛋（配湯粉麵$28），每粒爽滑彈牙魚蛋混入適量蔥粒，令味道同口感更為豐富。河粉都值得一讚，幼身河粉條條分明，一吸就直滑入喉嚨。另外每枱都大方地備有炸蒜粒同我最愛的冬菜，增添食味。牛腩都係呢度人氣食物，切腩撈粗（$43）分量唔少，牛腩起碼有8件，雖然睇落偏瘦，但入口唔覺乾柴同韌，腍得來有少少嚼頭，充滿肉香。粗麵雖然均勻地沾上豉油，唔太鹹，但始終蓋唔過鹼水味，相對於河粉都係爭少少。值得去指數：