→千葉縣‧地金目鯛配黃金三文魚子
地金目鯛係千葉縣嘅野生海鮮名物，魚肉特別粉嫩，油脂雪白同分佈均勻。師傅將佢厚切，可以食得出果種滑口同肉質結實嘅口感，味道係魚味濃厚兼帶鮮甜，真係新鮮到好似啱啱上水咁~配埋通透金黃嘅三文魚子，有提鮮作用。
→愛媛縣真鯛‧配鯛魚白子
真鯛係日本人慶祝節日先會食嘅高級鯛魚，有“魚類之王”美譽，愛媛縣就盛產呢款魚，一年四季都食得到果份美味魚鮮同肉質細嫩~至於鯛魚白子就入口即化，鮮香味好吸引， 透明而且油潤豐腴嘅魚肉真係無得輸。
→北海道鳥貝
鳥貝個外型好得意，因為形狀似雀仔個頭而得名~佢嘅肉質好厚而細嫩，味道鮮美甘甜，口感爽脆非常獨特，第一次食對佢印象難忘~
→深海池魚配烏魚子
深海池魚比一般池魚更肥美、更爽滑、更鮮甜，厚切刺身完全可以食到果份清、甜、爽~烏魚子味道好特別，口感柔軟油潤，鹹得恰到好處，食完仲好有餘韻，令人回味無窮。
→靜岡縣駿河灣活赤座海老
呢款海老其實係日本龍蝦仔，同平時食啲海老好唔同，肉質勁爽勁彈牙，味道勁鮮同甘甜，簡單點醬油同芥末已經好正~
呢餐結論係3個字：好~幸~福~
