影片
更多
2019-10-03
55 浏览
今日係一個大日子，因為我終於見到呢位相談甚歡嘅公主，可以同佢坐低食餐飯。因為大家都喜歡食海鮮，所以就揀左呢間蒸海鮮。蒸海鮮最主要係食佢嘅鮮味，因為乜嘢調味都冇落，食返海鮮本身嘅原汁原味。今晚最好食係個龍蝦，蒸到岩岩好，雖然佢個膏唔係十分多，但係個膏好甜。另外我其實好鐘意食蟹，所以今晚個蟹係第二主角，佢啲膏好多，啖啖肉，好滿足。然後第三樣喜歡嘅係佢個象拔蚌仔，又係蒸到岩岩好，好鮮甜。最後就係海蝦，啲海蝦好鮮甜，食得出係新鮮，因為好彈牙。但係啲貝類就差左小小，因為佢同蝦一齊蒸，變左時間過長，老左。食埋個菜，最後重點就係呢個粥底，佢係瑤柱南瓜粥嚟，吸收晒蒸海鮮啲汁，好清甜。全程都係由職員幫你蒸埋，基本上你都係坐啖度等食就可以了，但佢閒日係不收加一的👍🏼
蒸海鮮最主要係食佢嘅鮮味，因為乜嘢調味都冇落，食返海鮮本身嘅原汁原味。
今晚最好食係個龍蝦，蒸到岩岩好，雖然佢個膏唔係十分多，但係個膏好甜。
另外我其實好鐘意食蟹，所以今晚個蟹係第二主角，佢啲膏好多，啖啖肉，好滿足。
然後第三樣喜歡嘅係佢個象拔蚌仔，又係蒸到岩岩好，好鮮甜。
最後就係海蝦，啲海蝦好鮮甜，食得出係新鮮，因為好彈牙。但係啲貝類就差左小小，因為佢同蝦一齊蒸，變左時間過長，老左。
食埋個菜，最後重點就係呢個粥底，佢係瑤柱南瓜粥嚟，吸收晒蒸海鮮啲汁，好清甜。
全程都係由職員幫你蒸埋，基本上你都係坐啖度等食就可以了，但佢閒日係不收加一的👍🏼
张贴
