御石燒 (已結業)

今日星期二黎到油麻地家樂坊附近，上網search到呢間吉列牛餐廳好似幾好食，就決定去食dinner啦～根住Google Map搵都唔難搵，由家樂坊出發行8-10分鐘左右用QR code落單我地叫左一份御燒特級牛小排（$158）、一份御燒極上級黑松露吉列牛（$148），兩份主食都加左$35配紫菜味素飯、流心蛋、麵豉湯，加左$12配汽水。等左幾分鐘，店員就上成個餐，點火後自己燒就得。都幾好玩架，自己睇住會唔會燒燶，枱面上有指引教點燒。吉列牛真係有黑松露味😋，層炸衣滲左d黑松露，油脂較牛小排多，亦較有咬口。牛小排就同燒肉一樣，一口size😆，一啖飯一啖肉真係好滿足啊！🤤店員會成日睇住你個爐嘅火勢，幫你增火/ 減火👍🏻汽水我地兩個都揀左Ooha荔枝乳酸味，仲有其他味可以揀，例如白桃烏龍、柚子海鹽；平時常見嘅汽水、雪碧、芬達都有🥤店內有廁所，我地兩個人用左一個鐘都冇就食晒，總括來說都好方便。