金越牛肉粉專門店 (已結業)

今日係第二次幫襯lunch, 第一次感覺已一般，叫了牛肉河，味道一般，隨粉附上的辣椒少得可憐（手指甲咁小吧），我同同事都覺得食越南河必須辣椒，結果催了多次才送來一樣小的一碟，以呢個比例要3碟才小辣吧。今日本身冇諗住再去，不過經過見到佢地門口寫住有Bahn mi（越式法包），本人好愛食越式法包，佐敦的添記同馬丁王又太遠，難得尖沙咀都有得食，諗住試下無妨。點知係有伏，個越式法包來到，一睇長相都已失望，包唔脆，料又少，連bahn mi的精髓mayonnaise都冇，反而落了一大撻牛油。去過越南數次同食過香港多次，一睇就知落牛油係唔正宗，味道黎講，$45個包，不如7仔買個三文治好過，加上料少，食完好快餓。感覺侍應態度差，上菜又慢，呢間餐廳冇下次。