燒邦特色燒烤 (已結業)

有看我個人instagram既朋友都應該知道我成日來呢到食嘢，由食客已經變成朋友。之前搬左來新鋪未有中菜爐就未有得食炒嘢，呢家就有返個爐啦🤤。老闆邦哥其實係粵菜出身，埋爐先係耍家之作。不過大部分菜色都要預定，因為食材先可以最新鮮搜羅，今日就食左個姜蔥炒台山大肉蟹。台山大肉蟹同平時既泥蟹有咩分別呢？就係台山既會比較鮮甜，雖然size無咁大，但係蟹味會濃好多，至於火候味道控制，師傅當然係炒得非常之正🤤。再提醒一次，大部分炒嘢都要預訂。極度推薦此店。