今次我哋揀咗去上水呢一間牛摩，事緣經過呢一間嘅時候，發現原來除咗火鍋之外，都仲有得食燒肉，即時燃起我哋食肉嘅慾望🌝咁就試吓佢哋嘅燒肉啦，揀咗美國SRF安格斯和牛燒肉放題，聽落個名都正
佢哋入面都有齊打邊爐嘅料，醬料，飲品都有齊好多款，亦都有甜品，基本上一般火鍋放題有嘅嘢，佢哋都照樣有提供
首先就嚟咗送上嘅刺身，雖然小小碟，但真係好新鮮，尤其兩隻蝦又甜又爽，勁正！
另外就送上九宮格嘅豬牛雞拼盤，試過咁多款，款款都好食，但最鍾意嘅一定就係和牛❤️
佢哋每一款肉類都好新鮮，上到黎嘅時候都好乾爽，冇血水，而且啲色澤都好靚✨，亦都冇話偏肥太多脂肪
另外必提嘅就係佢哋嘅牛舌，我哋encore再encore，真係好好食～💕
個人私心推薦燒肉汁嘅牛肉，好味又Juicy！牛板腱、牛肋肉部分我哋覺得係最好食嘅位置～
至於小食，佢哋都有啲牛油粟米、菇類，胡麻沙律等等，出面自助區亦都有基本日式沙律小食🥬
飲品除左包裝罐裝，當日亦有熱情果同提子沙冰，個人鍾意飲呢2款沙冰多，又冰又解渴！
仲有朱古力味雪糕，感覺好似自製的，好熟悉的朱奶味，配料都好多，好滿足！
