那個ㄋㄚˋ ㄍㄜ˙ (埃華街) (已搬遷) 新店位置

呢間野我由它開始係埃華街細細間舖就支持，唔係因為它塊豬排大大塊(其實真係一般), 而係它既配菜真係好食，又有台鐵便當味，同埋他sell緊既精神同埋個heart! 所以無論大舖細舖都一直支持！但是今日真心燥底！幾廿度高温黎到排左成粒鐘，終於到我個陣，個女侍應出黎喊：2位人齊既有冇？可以入得！我後面個對情侶就聽聲而入，我心諗：係咪下一張1位到我！點知一路冇聲！我就走去問個個女侍應，1位入得未，佢竟然同我講：唔好意思冇哂位！what?! 我咪話：搞錯，1個人唔入得去食架？個女侍應都係話冇位！！！真心好嬲！搞錯！等左成粒鐘係呢個狀況，流哂汗竟然2個人入得1個就冇位！爆嬲！小店最怕係做大左之後就服務或者食物質素越嚟越差，真心失望！以前細舖個陣見到3個小伙子既拼勁，同埋熱情，今時已經唔同往日了！都唔係淨係呢個女侍應，之前都已經有啲感受，不過覺得仲可以接受，因為忙起上黎大家面無表情都可以理解～不過今日之後不了