等左大約15分鐘終於有位！好感動，拉面舖黎講佢都算多位，有20個左右。我地每人叫左一碗魚介拉面+厚叉😋 員工好細心提醒厚燒會較肥，但食拉麵嘅叉燒係要多肥肉先香嘛😌
我地坐吧枱位置唔係好夠冷氣，但就睇到師傅製作過程 — 叉燒浸過秘製醬油，再用火槍逐塊燒到微微帶焦，逼晒啲油香出黎😍 叉燒真係超厚肉，對我黎講肥瘦均勻，一啖咬落去有肥有瘦，好好食🥹 推介大家一定要試，食完番唔到轉頭
而個湯底都係好濃厚好好食，見佢廚房煲湯底係熬煮到奶白色。 而麵質同份量都啱啱好😋
而唐揚魷魚都好食，個醬酸酸地好開胃，好少見拉麵舖有炸魷魚食😋
