Sakura Street (已結業)

在網上睇到有人推介呢間銅鑼燒專門店，於是慕名前來一試。舖頭位於金鐘廊呢啲地方，價錢當然係有番咁上下，但係唔緊要，最重要係令你俾錢俾得條氣順。隔遠見到間舖，似乎都有唔少人幫趁喎。行到埋去，見到一盤盤銅鑼燒放喺度任君選擇，又係三心兩意既時候啦...結果決定左試下紅豆綠茶味同埋tiramisu味。收銀姐姐態度唔錯，但係手腳就慢左少少啦。買完之後，我地行埋一邊即食啦，唔，紅豆綠茶味唔算特別，但係食得出佢個餅既質感唔錯。再試tiramisu，咦，真係有少少出乎意料地好食，好滑，裏面仲加左少少果凍，感覺都幾特別。本來我想試下三粒丸子嗰款，但係由於佢不同時段推出不同口味，睇黎下次我要睇準時間再黎試下啦。