Honbo (已結業)

就算其他人的評語食品如何好，但服務態度差始終也是一個重點，我和朋友們都永遠不會再幫襯！！ 事源係星期六我們到了荃灣南豐紗廠3樓的這間漢堡店各自購買食品。 在我前面的朋友買了給了店員500元, 但當時店員說沒有足夠金錢找續， 叫我哋等等然後佢去鄰店"唱錢" 。之後有個極度沒有禮貌的男性在廚房走出來向收銀員大聲說 : " 下次遇著呢種客就直接叫佢地一次過買， 唔好分開一個一個買，我地邊有咁多錢找呀！" 做生意點會有咁嘅道理？你店舖沒有足夠儲備找續係你嘅安排問題 ，唔係客人的錯。再者我地其實都體諒，所以正在預備合拼購買時，個男廚房員竟然向客人說出咁無禮貌的說話，隔山打牛，點會係用心經營？ 以推斷這個廚房員應該係老闆之一， 咁樣嘅服務態度， 絕對不值得支持！食物質素一般，薯條比想像中普通， 跟超市凍櫃賣的質素相同。一般主力買漢堡的店舖， 薯條都會比較粗身自製的，但這家漢堡店食不出來。