Le Viet

今日兴起想食越南菜，朋友提议呢间几出名，食物质素不错，所以就黎试啦~有lunch set，配热饮~我地一行四人叫左大虾菠萝饭、生牛肉汤粉、香茅猪颈肉捞檬、春卷扎肉捞檬~大虾菠萝饭好大个菠萝呀！！！ 仲有3只大虾添！！！外观满分！！！炒饭干身，成个饭有好多菠萝肉，连每粒饭都好香菠萝味！！！呢个菠萝饭份量比较多，男仔可能食得晒，女仔应该食唔晒，最o岩就紧系同朋友们share食喇~~~生牛肉汤粉生牛肉唔韧，生熟度刚好。另配九层塔，青柠，辣椒，可按自己须要添加，增添风味。香茅猪颈肉捞檬猪颈肉好香香茅味，唔干，唔韧！捞檬汁用细樽仔装，十分别致，可按自己须要份量添加，亦唔会令檬粉变冧。捞檬汁酸酸甜甜，非常开胃，檬粉好滑，最o岩天气热既时候食！春卷扎肉捞檬春卷香脆可口~扎肉也不错~整体来说食物质素不错！而且服务员好贴心，记得每人所叫既饮品，直接放在各人面前！值得一赞！