滷友記 (加路連山道) (已結業)

成日周圍揾食既呀妹今日帶我地去銅鑼灣加路連山道既滷友記食台式滷菜🤩已經好耐無去台灣，當然舉腳支持要去，同埋呀媽三人行一齊去👩‍👧‍👧妹妹力推@雞絲拌蕎麥麵。夏日熱㷫㷫最好嚟個凍既麵🍜，啲料(青瓜、雞絲、芝麻、蔥）多到就快跌到岀牒🤣其實除左我個大食妹可以食得哂外，覺得大家應該都要兩個人先食得哂😂呀媽最愛@滷水牛三寶麵 。呀媽話滷水汁都幾濃郁香口👃🏻，再配上三寶（金錢𦟌、牛筋、金錢肚）爽口又彈牙，好食到再嚟多碗😏大家都讚@滷水豆腐。豆腐濃濃豆香味，豆腐身好嫩滑，滑到‘’soup’’一聲吞左落肚😝我的至愛@古法滷水金錢𦟌麵。金錢𦟌好爽口，帶有濃濃既牛味好香，再配上一啲青新既香蔥，好惹味🤩每次跟呀妹岀去食野都好有福🤰🏻價錢超抵，仲要食物質素高！真係不會令人失望既台式滷菜👍🏻