影片
更多
2013-10-17
1121 浏览
當晚去到人不算多，大概夜晚8點幾，我與男朋友加朋友一行4人慕名而來，一去到門口，有一個阿伯出來問我地幾位，叫我地自己拆凳等叫有位，態度未去到無禮貌的程度。等左大概5-7分鐘，入到去坐一張圓檯，我地叫左4個煲仔飯（鳳爪排骨、北菇滑雞、窩蛋牛肉、總有一個好似係牛肉片噶類），另外叫左四杯野飲，個姨姨幫我地寫野噶時好似好唔願意甘，但我地坐低就即刻叫，無改單亦無捻好耐，有點唔知發生乜野事，等左20分鐘左右來，味道不是想像的，豉油無味得色，煲仔飯香味欠奉，有點失望😔。跟住人有三急搵廁所，問員工無人理，跟住有一位靚姐係樓面勁大聲喝入來'阿靚女，廁所直行咪係囉'，嘴臉有點討厭，黑口黑面甘樣，我見到甘呆一呆，跟住點下頭同佢口形講唔該，事後想番有d嬲。去完廁所翻出來，準備去埋單，我番位拿袋，個姨姨行埋來幫我地執檯，個姨姨一野撞開我，sorry都無，我無理佢，拿袋捻住快d出去比佢執，跟住佢抹檯唔小心掃d野落我男朋友條褲到，一樣sorry都無句，眼神仲要好討厭，我地無同佢計較，但希望陳漢記呢間店門口係標榜住係openrice有過百正評的店，改善下員工質素，檢討下內部運作，的確失望，以及下次不會再光顧，此經歷一
我與男朋友加朋友一行4人慕名而來，
一去到門口，有一個阿伯出來問我地幾位，叫我地自己拆凳等叫有位，態度未去到無禮貌的程度。
等左大概5-7分鐘，入到去坐一張圓檯，我地叫左4個煲仔飯（鳳爪排骨、北菇滑雞、窩蛋牛肉、總有一個好似係牛肉片噶類），另外叫左四杯野飲，個姨姨幫我地寫野噶時好似好唔願意甘，但我地坐低就即刻叫，無改單亦無捻好耐，有點唔知發生乜野事，等左20分鐘左右來，味道不是想像的，豉油無味得色，煲仔飯香味欠奉，有點失望😔。
跟住人有三急搵廁所，問員工無人理，跟住有一位靚姐係樓面勁大聲喝入來'阿靚女，廁所直行咪係囉'，嘴臉有點討厭，黑口黑面甘樣，我見到甘呆一呆，跟住點下頭同佢口形講唔該，事後想番有d嬲。去完廁所翻出來，準備去埋單，我番位拿袋，個姨姨行埋來幫我地執檯，個姨姨一野撞開我，sorry都無，我無理佢，拿袋捻住快d出去比佢執，跟住佢抹檯唔小心掃d野落我男朋友條褲到，一樣sorry都無句，眼神仲要好討厭，我地無同佢計較，但希望陳漢記呢間店門口係標榜住係openrice有過百正評的店，改善下員工質素，檢討下內部運作，的確失望，以及下次不會再光顧，此經歷一次就足夠。
张贴