釜や本舖 (已結業)

昨日同家姐一家人行完街，入左厚福街睇下有咩食，一心諗住食日本野無死啦，開頭入去都幾好感覺，我地order左三個烏冬二兩石頭鍋飯加小食～烏冬味度都幾好，見到家姐既石頭鍋飯都幾吸引，見到自己既石頭鍋飯開頭都唔覺有D咩問題，點知一推開D飯睇下個鍋底啦，第一眼都唔為意，但一留心睇下面全部都係油浸飯，D油多到以為自己食緊油浸飯，之後叫個餐廳D人黎睇，之後D人同左個唔知係咪店長既人講有D噤既事，點知個個所謂店長既人話佢叫黑豚肉石頭飯緊係有油架啦，好似當我地聽唔到噤，佢睇都無睇過我個飯就噤講野，火都黎埋之後我地都無再出聲諗住埋單就算～最後埋單有個好心D既話事人同我取消左個個油浸飯既Order條氣都順返少少～不過都唔會再黎＝＿＝