影片
更多
2014-02-06
2881 浏览
呢間餐廳有某 d 食品確係不錯, 幾好食, 但我係唔會再光顧....餐前小菜: 菊花黑木耳 - 有特色，味道不錯，值得一讚!之後點了︰1) 雞絲粉皮 - 青瓜、雞絲份量夠，味道不錯.2) 黃金蝦球 - 咸蛋黃汁料均勻分佈蝦球, 唔會太乾, 好味!3) 風沙羊腿 - 幾特別, 羊肉煮得好嫩, 味道也不錯. 食到呢度, 本來對呢間餐廳印象不錯, 仲諗住會帶朋友再o黎. 點知之後就出事...4) 腿茸津白 ($88) - 要特別highlight 個價錢, 係因為呢碟津白份量好少, 得o個幾條菜, 平均十幾蚊一條菜. 個汁同d 菜都係一pat pat 好杰, 賣相甚差...之後突然有個男侍應放左碟口水雞上檯, 話「送」俾我o地食. 覺得奇怪, 但梗係多謝佢啦. 食左一兩件之後, 突然有個女侍應問我o地有無點到口水雞, 我o地話係你o地個侍應送俾我o地o既. 佢走左, 隔一陣又o黎問同一個問題, 我o地再答返佢, 叫佢問清楚佢同事先. 之後無耐佢就走o黎收走左我o地檯面碟口水雞入廚房, 話搞錯左, 而佢收走時一句sorry 都無, 搞到我o地好尷尬. 而我o地好好奇, 佢收走左有我o地口水尾o
餐前小菜: 菊花黑木耳 - 有特色，味道不錯，值得一讚!
之後點了︰
1) 雞絲粉皮 - 青瓜、雞絲份量夠，味道不錯.
2) 黃金蝦球 - 咸蛋黃汁料均勻分佈蝦球, 唔會太乾, 好味!
3) 風沙羊腿 - 幾特別, 羊肉煮得好嫩, 味道也不錯.
食到呢度, 本來對呢間餐廳印象不錯, 仲諗住會帶朋友再o黎. 點知之後就出事...4) 腿茸津白 ($88) - 要特別highlight 個價錢, 係因為呢碟津白份量好少, 得o個幾條菜, 平均十幾蚊一條菜. 個汁同d 菜都係一pat pat 好杰, 賣相甚差...
之後突然有個男侍應放左碟口水雞上檯, 話「送」俾我o地食. 覺得奇怪, 但梗係多謝佢啦. 食左一兩件之後, 突然有個女侍應問我o地有無點到口水雞, 我o地話係你o地個侍應送俾我o地o既. 佢走左, 隔一陣又o黎問同一個問題, 我o地再答返佢, 叫佢問清楚佢同事先. 之後無耐佢就走o黎收走左我o地檯面碟口水雞入廚房, 話搞錯左, 而佢收走時一句sorry 都無, 搞到我o地好尷尬. 而我o地好好奇, 佢收走左有我o地口水尾o既口水雞之後, 會點處置呢?!
無耐見有侍應拎住一碟口水雞拎入我o地隔離、有半透明屏風o既「包房」(係咪有我o地口水尾o個碟我唔敢講). 同時間o係包房傳出好大陣煙味. 而我o地係見到有人o係入面拎住點著左o既香煙. 有無餐廳職員阻止過佢o地違例吸煙, 我唔肯定, 不過煙味係 keep 住有... 之後我o地一家人都因為陣二 / 三手煙味太勁, 所以之後食咩都無心情.
5) 一登龍門炒飯 - 用餐廳名命名o既炒飯, 以為有咩咁特別, 原來係特別在於「無特別」. 好似普通茶餐廳o既多汁碟頭飯....
6) 呢個豆腐我連咩名都唔記得. 我唔知係因為間餐廳o既煙味搞到我心情好差同埋頭痛而唔記得, 定係個豆腐味道真係普通到不能再普通.
之後有侍應送來甜品「雪耳糖水」. 但仲未俾呢間餐廳o既侍應嚇過咩?! 問多幾問, 確認佢真係「送」先敢放入口食, 廢事食食下又收返走咁核突.我真係無諗過我會o係一間中檔價位o既餐廳, 會好似去左街邊大排檔咁, 聞住二 / 三手煙食飯.
张贴
