喜記蟹將軍

营业中

休息中

之前在美麗華酒店二樓見到有間可食奄仔蟹既中菜館，仲要有個套餐做特價，屋企人又好想食蟹，之後BOOK枱同屋企人一齊黎食。地方雖然不算好大，但環境都算舒服又闊落，仲要有房坐添，雖然我地不是坐房。【青瓜伴海蜇】優質海蜇皮呈淺黃色，有光澤，有韌性、口感鬆脆適中，味道清爽。【豉椒炒蜆】味道濃郁的豉椒炒蜆，比想像中出色，最重要是沒有沙，香濃惹味的蜆肉。真是可以吃上癮。【牛油鹽燒奄仔蟹】奄仔爆膏實肉又鮮甜，一打開勁多膏，真是非常邪惡，用牛油鹽焗方法真是提升鮮味，係夠晒正。【大模風沙雞】炸得非常香口，外皮又薄又脆，肉質又夠滑又夠肉汁，連炸蒜一起食夠哂野味。【奄仔蟹粥】呈橙黃色的蟹粥，奄仔蟹膏香而肉嫩，被粥煮過後仍帶鮮甜，而粥底內好綿帶油膏香。