成都老碼頭火鍋 (已結業)

好多鋪頭都話自己係正宗XX菜。其實正唔正宗，我就真係唔太識啦！反而會用岩唔岩個人口味，所為準則。呢間鋪頭話係正宗成都麻辣火鍋，等我睇下呢間野，又好唔好味先。近年香港有唔少既內地店打入香港市場，黎到呢間鋪，令人好期待。先講下環境，餐廳地方寬敞。冷氣仲起勢甘吹，唔怕辣到大汗耷细汗。主要係用蕃茄湯加埋成都麻辣小辣湯黎造個鴛鴦湯底，所以唔食得辣既朋友都可以黎食下。不過蕃茄湯底比較甜，蕃茄味好出味，夠曬濃。另一邊麻辣，因我唔太食得辣，所以只叫左個小辣。四川辣，真係可以好辣。呢個湯底雖然係小辣，但已經比香港食開既辣，呢D鍋要配內臟先係至高享受。揀左鴨血，鵝腸，牛胸爽黎試下。呢幾樣都幾新鮮下，無雪味，又唔會有腥臭味。放左落個湯度煮下，真係幾好味。佢地有自家製既韮菜餃。個餡好足料，不過賣相唔多討好。總括黎講，可以一試之選。