影片
更多
2007-03-26
10 浏览
一班舊同學，難得聚首一堂，友人建議食私房菜...反正自己未試過，眾人又話之前試過意房菜「好得」，小黃自然冇意見啦！首先，一入內，坐正門口位...出入都要郁吓張凳，星期日，算了吧！但明明係訂咗位喎...而且環境好擠迫...燈光又暗...我們叫的是私房菜，即係俾個total數，叫老細自己搞掂，據聞因為友人是常客，與老細熟落至知可以咁食...結果係搞到連侍應都唔知我地食乜><首先嚟過唔知係法式定意式o既牛腩粒湯配以牛油麵包粒，每人一盅，一入口，已覺咸得來帶點酒味，感覺就係金寶牛尾湯加酒再加麵包粒極咸版...之後嚟主菜，侍應問要配天使麵、飯、意粉定薯菜，咁自然要問吓佢地今晚係乜野主菜，點知個侍應又話唔知><，為安全計，唯有叫薯菜啦！結果原來主菜係「血鴨」...百零蚊話食法國名菜血鴨，我呢啲低下階層食慣大解樂都知冇可能啦...結果當然是不論不類，鴨胸加汁，你想點...除「血鴨」外，仲有一個法式釀吊桶，入面有粒田螺仔...成晚最似樣都算係呢樣，真可憐...加埋啲睇得唔多食得o既伴碟沙律...唉接著嚟咗一個幾位友人都嘩嘩聲話一流o既「雪降」，其實原名係乜我就真係唔知啦
首先，一入內，坐正門口位...出入都要郁吓張凳，星期日，算了吧！但明明係訂咗位喎...而且環境好擠迫...燈光又暗...
我們叫的是私房菜，即係俾個total數，叫老細自己搞掂，據聞因為友人是常客，與老細熟落至知可以咁食...結果係搞到連侍應都唔知我地食乜><
首先嚟過唔知係法式定意式o既牛腩粒湯配以牛油麵包粒，每人一盅，一入口，已覺咸得來帶點酒味，感覺就係金寶牛尾湯加酒再加麵包粒極咸版...
之後嚟主菜，侍應問要配天使麵、飯、意粉定薯菜，咁自然要問吓佢地今晚係乜野主菜，點知個侍應又話唔知><，為安全計，唯有叫薯菜啦！結果原來主菜係「血鴨」...百零蚊話食法國名菜血鴨，我呢啲低下階層食慣大解樂都知冇可能啦...結果當然是不論不類，鴨胸加汁，你想點...除「血鴨」外，仲有一個法式釀吊桶，入面有粒田螺仔...成晚最似樣都算係呢樣，真可憐...加埋啲睇得唔多食得o既伴碟沙律...唉
接著嚟咗一個幾位友人都嘩嘩聲話一流o既「雪降」，其實原名係乜我就真係唔知啦！只知眼前係每人一舊o既燒牛肉連骨(兩啖食得唒)，但究竟佢係牛肋軍定係其它部位又真係無可奉告...連住啲牛上碟仲有一碟「諾曼地酸梅醬」，用來點牛肉食，但我點完又唔覺有乜特別...最好笑係當眾人自以為好享受呢啲醬時，老闆卻氣急敗壞走出來叫我地唔好食啲醬，話睇吓係咁二點吓就好，如果唔係就食唔到啲肉o既鮮味...食完室講，咁即係搵我老襯啦！
食完呢兩碟主菜...口乾乾，友人問侍應有冇野飲，咁當然又係：「呀...哦」結果老問推介了冇咖啡味o既明治朱古力咖啡...再另外親自泡制了一種特飲(果樣似鮮奶，但味道似楊枝甘露)...
最後嚟埋個甜品...兩舊細細球o既朱古力雪糕加幾粒極難食o既士多啤梨...食到到喉唔到肺，仲要係零service，成班侍應好似阿呆，時常都要叫幾次才懂得俾餐具你，咁就百七蚊...
唉！只可嘆一句，不是我杯茶
下次我寧願食老麥好過...
张贴