魚米 (葵芳廣場)

营业中

休息中

之前係其他分店食過 覺得一般 今次俾多次機會佢啦 點知又令人失望😥 今次係三點三下午茶 不過呢個tea就唔太推介啦😐下午茶選擇都算幾多嘅 有湯粉麵嗰啲 不過都係想食啲茶記啲嘅下午茶 咁就叫咗個 瑞士雞翼撈公仔麵 配薯條伴多春魚 撈公仔麵真係搞唔掂 個麵真係林到不能再林 完全係一pat野咁😩 醬汁就甜甜鹹鹹咁啦 瑞士雞翼算係正正常常嘅 炸野方面就少少油啦 多春魚都幾重雪櫃味 真係唔推介炸物炸雞髀薯條配西多士 隻雞髀賣相唔得之餘 仲好細隻好乾身☹️ 西多士就唔夠熱 不過薯條上面灑嘅除咗鹽之外仲有啲胡椒粉 算係冇咁單調 平日好鍾意食炸髀嘅我真係覺得有啲失望🙍🏻‍♂️飲品就正正常常啦 熱奶茶多奶同熱檸茶☕️下次要食tea就絕對唔會再嚟㗎啦 相信葵芳都仲有其他好食啲嘅餐廳😕 唯一好嘅就係算係坐得幾舒服啦 有好多卡位可以揀