火鍋英雄 (已結業)

係香港，打邊爐不分季節，幾時都打得，所以特色火鍋店開到成巷成市。夏日炎炎，我亦於今日晚約了好友打邊爐。火鍋英雄，朋友推介說很不錯，今天我們就一試如何。裝潢古色古香，以木桌椅為主。環境亦寬敞舒適，光線明亮，很適合三五知己聚會傾偈。湯底當然係揀雙拼鍋啦，一次過試晒兩款。想補下身，點了醉雞拼麻辣麻辣火鍋，好多辣椒呀，湯面有一層辣紅油，睇見都覺得很刺激，用來淥牛肉，鴨血和紹粉一流。烏雞滋補，醃得入味，放入鍋中，酒香四溢，雞肉嫩滑，就算淥久了，亦不會非常嚡口，鴨血嫩滑爽口，麻辣鴨血，好正呀！有牛丸，花枝丸，墨魚丸和鯪魚肉丸，粒粒新鮮手打，爽口彈牙萵筍清甜爽嫩。牛肉油花均勻，肉質軟腍，牛肉味濃，於麻辣鍋滾一滾就食得餃子皮薄餡靚，肉嫩而且多汁，脹卜卜，滋味滿滿。紹粉即薯粉，熟的時候晶瑩剔透，煙韌有嚼勁，吸收了湯的精華，蔬菜新鮮翠綠，爽甜。薄薄的一片，以冰墊著保鮮，滾幾滾就食得，沾上湯汁，爽口富咬口。味道酸酸甜甜，又不會過酸過甜，味道剛好，醒胃又解渴。