影片
更多
2015-11-24
7253 浏览
今日放假同朋友係銅鑼灣睇戲，跟住諗住行去食野，行左一陣嘅時候朋友突然話好鬼想食放題喎，於是我地就揾左間比較特別嘅放題~~~大喜屋日本放題料理。本來以為實要排個鐘咁喇，因為去到見到人龍都幾長下，點知排下排下竟然俾我地入到去唔洗等已經即刻有位。咁我地就緊係即刻坐低叫野食喇。不過呢度真係好大，拎野食嘅地方都特別多。首先刺身都有分單獨去拎，或者寫紙仔叫嘅，單獨餐廳會樓根據時令而選擇唔同嘅魚做刺身。今次我地黎到就係池魚同金目鯛，呢度嘅池魚好肥美，而且口感好厚實，沾埋醋汁黎食，真係會特別好多。金目鯛魚味較濃，雖然入口無池魚咁厚實，但係入口感都唔錯。不過無論點醋汁又好，壽司豉油 又好，都係唔錯嘅選擇。刺身拼盤 (鮑魚，三文魚，吞拿魚，元貝，北寄貝，帶子，大蝦),今次呢間野嘅刺身種類好多，基本應該有的款式這裡都有，一般放題無嘅佢呢度都會有，而且一上枱俾人感覺好新鮮，刺身入口之後唔會有雪味，而且有陣鮮甜嘅感覺，所以真係唔錯，重點推介呢度嘅大蝦真係好鮮味，仲要好鬼彈牙壽司,呢度嘅壽司都算多款，有刺身壽司又有火壽司，不過壽司嘅飯量就略嫌多左一啲，如果小番啲，就會更好了。不過整體黎講個感覺都係唔錯的。另外呢度
本來以為實要排個鐘咁喇，因為去到見到人龍都幾長下，點知排下排下竟然俾我地入到去唔洗等已經即刻有位。
咁我地就緊係即刻坐低叫野食喇。不過呢度真係好大，拎野食嘅地方都特別多。首先刺身都有分單獨去拎，或者寫紙仔叫嘅，單獨餐廳會樓根據時令而選擇唔同嘅魚做刺身。
今次我地黎到就係池魚同金目鯛，呢度嘅池魚好肥美，而且口感好厚實，沾埋醋汁黎食，真係會特別好多。金目鯛魚味較濃，雖然入口無池魚咁厚實，但係入口感都唔錯。不過無論點醋汁又好，壽司豉油 又好，都係唔錯嘅選擇。
刺身拼盤 (鮑魚，三文魚，吞拿魚，元貝，北寄貝，帶子，大蝦),今次呢間野嘅刺身種類好多，基本應該有的款式這裡都有，一般放題無嘅佢呢度都會有，而且一上枱俾人感覺好新鮮，刺身入口之後唔會有雪味，而且有陣鮮甜嘅感覺，所以真係唔錯，重點推介呢度嘅大蝦真係好鮮味，仲要好鬼彈牙壽司,呢度嘅壽司都算多款，有刺身壽司又有火壽司，不過壽司嘅飯量就略嫌多左一啲，如果小番啲，就會更好了。不過整體黎講個感覺都係唔錯的。另外呢度有個比較特別嘅壽司叫做殿壽司，佢有啲似集合型嘅壽司，呢個殿壽司用嘅有三文魚，吞拿魚， 小小嘅海膽同埋油甘魚，真係好小見得到，而且呢度仲有提供埋海膽壽司感覺真係比較特別，因為現係比較少放題店會提供呢啲食物。
之後其他方面，餐廳嘅其他食物方面都有好多選擇架，我地就叫左一啲黎試下，燒牛舌餐廳唔會燒到唔會太乾水，入口仍令人覺得有好多肉汁，不過感覺唔夠焦面，如果上枱時，帶一點焦面就更好了。
巴馬火腿，呢度嘅巴馬火腿係任食架，岩晒我呢啲火腿狂熱粉絲。
而且呢度又仲有種巴馬火腿薯蓉都好正，薯蓉吸收左巴馬火腿嘅咸香，味道變得更惹味，但係又唔會過咸，簡直就係岩岩好呀
和牛薄燒呢個真係好值得食下，從來未試過係放題舖頭食到咁樣嘅和牛，餐廳廚師將佢煎得岩岩好，原本以為無加調味個味道會好淡，點知個和牛味道唔會太淡之餘，仲好有肉味，而且好足料，不過餐廳都有好幾款醬料俾大家用黎點嘅，等大家可以更好嘅享受和牛嘅味道。
食左咁多野之後，同朋友都覺得好似未夠飽，所以就叫左碗明太子烏冬，薄薄嘅一件明太子加埋彈牙烏冬，真係惹味。
食晒啲野之後就緊係食甜品，餐廳嘅甜品係任人領嘅，好似馬卡龍，水果。
最重要係有HAAGEN-DAZS雪糕任食，真係好鬼正。事實上呢間真係不愧為”殿”日式放題舖，食嘅真係比一般嘅放題舖高級好多，所以呢，真係好令人享受係入面食野。
张贴
