羅勒印度餐廳 (東旺樓) (已結業)

去之前係Openrice睇食評，知道呢間餐廳有套餐餐牌，諗住午市試下水準。去到就淨係見到主餐牌，而望落其他枱客都係睇主餐牌，但都試下問下有無套餐餐牌。嗰侍應就指住嗰主餐牌，不停推介價值$300幾蚊嘅二人餐。我地同佢講話午餐吃唔到咁多，佢就不停話二人餐份量唔會太多。我心諗：唔係呀？！$300嘅套餐份量唔多，咁咪好唔抵食？！多次來回之後，佢終於肯俾套餐餐牌，供應時間係由朝早11點至晚上8點。嗰侍應見我地嗌套餐之後，就無咩服務可言。餐廳如果真係唔想提供套餐餐牌，咁不如直頭話取消咗仲好。嗰套餐話包一杯凍檸茶或熱茶，下半部就有其他茶餐廳飲品，例如：咖啡、奶茶等。我地太習慣港式茶餐廳，直覺覺得熱茶包下半部飲品。直到埋單先知原來唔包，係要另外俾錢。我地唔介意另外俾錢，但問題係侍應點餐嗰時無提到呢點。即使係文化差異，唔覺得要提醒顧客，咁嗰餐應該包嘅凍檸茶或熱茶又去咗邊呢？！之前行過都好奇點解無乜人幫襯，但今次試過就知點解。食物質素正常，唔算突出，但咁樣嘅經營手法令人唔舒服，吃餐飯都驚被伏，唔會再幫襯佢。