混亂拉麵 (已結業)

今次小丸子終於黎到深水埗食混亂拉麵啦成日話要黎食下,一拖再拖都未黎食過~ 係未黎食之前已經知道食呢款拉麵好似食一座拉麵山咁, 因為客人可以根據自己嘅喜好而去選擇要增加多芽菜/大蒜/背脂先生➡ 混亂拉麵小丸子經過近排食到太飽而嘔嘅經驗🙈 今次保守地嗌左正常嘅豬骨拉麵, 而芽菜就增量左二倍, 大蒜同背脂先生就正常份量! 拉麵一黎到就已經feel得到咩叫多到滿瀉的感覺~ 首先試飲佢嘅湯,好濃嘅豬骨湯底, 而令我驚喜嘅係...嘩,竟然有三大塊大大叉燒,仲要好好味~而我認為如果嗌左二倍/三倍嘅芽菜, 就一定要將佢哋完完全全咁浸入湯底一段時間先, 如果唔係, 芽菜就好生~而拉麵依家就只係推出中太麵(2mm),暫時停左5mm嘅麵,咁呢個粗度都算唔錯~小丸子仲試左隔離位嘅玉子,wow 都非常流心  我表示下次會挑戰一下三倍芽菜同唔要背脂先生, 因為啲豬脂一定會肥死小丸子~(有人仲要嗌左三倍咁多,努力做運動啦)另外,店舖仲會不定時出一款新款拉麵~今期2017年推出左辛辛拉麵,我見到我隔離果個客人係咁講好辣好辣,我相信呢個湯底真係辣到佢噴火