Pancake 專門紗織 (已結業)

鍾意樣樣野食少少嘅我，揀呢個和食十品就最適合不過啦！不論係個擺設定係食物嘅質素都係十分滿意嘅！首先佢嘅擺設係以一個9格木塊盛放住9樣唔同嘅嘢食，咁雞湯烏冬呢就係另上嘅！先品嚐左佢嘅粟米湯，好香好好飲，即刻暖晒身！而佢個煙鴨胸味道都好出色，係用法式橙汁燒過嘅！其中嘅柚子蛋糕好清新又唔會太甜，日式魚腐味道都好特別，仲有個沙律菜係配芝麻醬，可以中和返d甜食！鮑魚仔口感好好，個汁都好正！個抹茶pancake加蕨餅，係我最鍾意嘅，喜歡蕨餅嘅口感軟軟的！炸雞亦炸得外脆內軟，又夠香口！最後嘅燒雞加餅乾，估唔到呢個配搭又幾夾！