JK Brother's (已搬遷) 新店位置

之前同事介紹話依間新餐廳不錯，今日約埋一班同事去試一試。一入到去感覺熱辣辣，環境有少許焗，餐廳主要提供鐵板餐、韓式石頭鍋飯、咖哩飯等等，選擇都唔少。Order 左大約5分鐘已經陸續上菜，好快手！「芝芝炸炸」既鐵板飯出場，外觀非常吸引，有紅卜卜泡菜既飯，配上粟米粒同椰菜，同「卜碌卜碌」緊既芝士汁，泡菜辣辣地好開胃。唯一覺得要改善既係....愈食愈熱，冷氣唔係唔夠，但邊食邊流汗。最後，好想借依度多謝餐廳職員，細拎碟同餐具，又配合我地靜悄悄地拎蛋糕俾我地，令我地既驚喜生日lunch 更完美，多謝你！