影片
更多
2019-01-29
31 浏览
依間又係我係openrice發現的! 因為都怕有"鱔稿", 比起研究有幾多好評, 更鍾意研究有幾多劣評!而係利東街隔離既"港", 就係難得只有好評, 冇OK, 冇負評既一間餐廳啦!餐廳入面地方唔算大, 但環境就真係幾好feel, 又坐得舒服, 加上播緊唔同既歐美歌, 完全中哂我既喜好!食物既選擇都唔算多, 但樣樣只要睇個名, 就已經好想食! 最後我地用左剔除法黎揀左我地鍾意既野~都唔sure係我地眼光太好, 定係佢每樣野都咁好食呢? 我地點既每樣野都超正!所以, 今次破天慌, 介紹哂所有野都比你地:1. Ham + 0 ($88): 當一個ABC侍應放但杯野時, 講左句"Ham + 0", 我呆左呆, 先醒起係杯野飲既名其實係杯cocktail黎, 中文叫"咸加檸", 其實姐係咸檸檬梳打加酒, 真係好match, 好正, 飲落唔重酒味, 但feel到其實好多酒~2. Vodka Fa Diu Soda ($98): 依個都係cocktail黎, 超級"港"式之作, 係花鵰+梳打+玫瑰露+vodka, 味道衝激得黎又好飲, 愛醉雞人士一定要黎試下~3. Chicken Skin Chi
而係利東街隔離既"港", 就係難得只有好評, 冇OK, 冇負評既一間餐廳啦!
餐廳入面地方唔算大, 但環境就真係幾好feel, 又坐得舒服, 加上播緊唔同既歐美歌, 完全中哂我既喜好!
食物既選擇都唔算多, 但樣樣只要睇個名, 就已經好想食! 最後我地用左剔除法黎揀左我地鍾意既野~
都唔sure係我地眼光太好, 定係佢每樣野都咁好食呢? 我地點既每樣野都超正!
所以, 今次破天慌, 介紹哂所有野都比你地:
1. Ham + 0 ($88): 當一個ABC侍應放但杯野時, 講左句"Ham + 0", 我呆左呆, 先醒起係杯野飲既名其實係杯cocktail黎, 中文叫"咸加檸", 其實姐係咸檸檬梳打加酒, 真係好match, 好正, 飲落唔重酒味, 但feel到其實好多酒~
2. Vodka Fa Diu Soda ($98): 依個都係cocktail黎, 超級"港"式之作, 係花鵰+梳打+玫瑰露+vodka, 味道衝激得黎又好飲, 愛醉雞人士一定要黎試下~
3. Chicken Skin Chips ($58): 有6大塊炸雞皮, 好脆卜卜, 但最正係個BBQ醬, 比起M記既bbq醬多d層次, 個甜味冇咁死, 用雞皮點佢黎食, 好邪惡~
4. Scallion Bing & Black Garlic Aioli ($48+$48): 依個係散叫, 蔥油餅+黑蒜蛋黃醬~ 蔥油餅3個字形容哂: 薄、香、脆!而黑蒜蛋黃醬個黑蒜真係好甜, 好正, 但食落又唔會怕口臭~
5. BigBadWolf ($208): Wolf? 關狼咩事? 貼士: 三隻小豬! 岩啦~就係乳豬, 仲要係話梅乳豬!乳豬唔知係唔係先用慢煮方法整? D肉真係勁嫩, 但D皮又係鬆化得黎卜卜脆, 加埋D話梅醬, 係我食過最好味既乳豬!!!
张贴
