影片
更多
2019-01-04
1548 浏览
原來北角城市花園酒店裏面除咗buffet非常了得之外， 有間叫沙嗲軒嘅食物質素都非常之高！ 重聽聞這裏的海南雞飯非常之出名！ 我叫完嘢食之後先發現原來成晚超過十枱食客有叫海南雞飯， 重要餐單都唔使睇一坐低就叫嗰隻， 證明已經食過n次， 水準肯定係有保證嘅！ 我決定下次一定要再嚟食呢個海南雞飯！ 講返我今晚嗰餐先！ 今晚嗰餐都好豐富㗎， 這裏主打東南亞菜式， 所以這裏的胡椒蟹都好出名㗎， 今晚一於食咗佢！ 主菜之前試下呢個小食先， 平時炸魚皮就食得多， 黃金炸魚皮真係第一次見同食！ 一放上枱已經聞到香噴噴， 每一塊魚皮都泛著黃金般的色澤， 好靚呀！ 而且睇得出師傅功力真係好， 將塊魚皮炸到脆卜卜又唔會太硬， 仲要非常之均勻地沾好沾滿蛋黃， 真係少啲廚藝都做唔到！夠曬鹹香感的魚皮真是超超超好食！ 會令人忍唔住一塊又一塊咁不停食架(≧∇≦)好食到咁嘅魚皮都係五十幾蚊咋！ 來呢度記得要試呀！推介！ 食咗啲鹹嘢覺得有啲頸渴可以飲下呢杯美祿恐龍！ 想當年我細細個已經好鍾意食美祿粉(≧∇≦) 原來我細細個已經走在潮流嘅尖喙!haha 睇下隻胡椒蟹幾有氣勢(≧∇≦)呢隻胡椒蟹都算幾大隻， 而且煮法好特
我叫完嘢食之後先發現原來成晚超過十枱食客有叫海南雞飯， 重要餐單都唔使睇一坐低就叫嗰隻， 證明已經食過n次， 水準肯定係有保證嘅！ 我決定下次一定要再嚟食呢個海南雞飯！
講返我今晚嗰餐先！ 今晚嗰餐都好豐富㗎， 這裏主打東南亞菜式， 所以這裏的胡椒蟹都好出名㗎， 今晚一於食咗佢！
主菜之前試下呢個小食先， 平時炸魚皮就食得多， 黃金炸魚皮真係第一次見同食！ 一放上枱已經聞到香噴噴， 每一塊魚皮都泛著黃金般的色澤， 好靚呀！ 而且睇得出師傅功力真係好， 將塊魚皮炸到脆卜卜又唔會太硬， 仲要非常之均勻地沾好沾滿蛋黃， 真係少啲廚藝都做唔到！
夠曬鹹香感的魚皮真是超超超好食！ 會令人忍唔住一塊又一塊咁不停食架(≧∇≦)
好食到咁嘅魚皮都係五十幾蚊咋！ 來呢度記得要試呀！推介！
食咗啲鹹嘢覺得有啲頸渴可以飲下呢杯美祿恐龍！ 想當年我細細個已經好鍾意食美祿粉(≧∇≦) 原來我細細個已經走在潮流嘅尖喙!haha
睇下隻胡椒蟹幾有氣勢(≧∇≦)
呢隻胡椒蟹都算幾大隻， 而且煮法好特別， 同出面胡椒蟹有好唔同， 這裏的胡椒蟹偏向炒乾身， 而並非將大量的黑胡椒汁淋在蟹身上。
我自己就好鍾意這一種煮法， 由於我食蟹會連殼吸吮， 這個煮法可以充分地感受到黑胡椒的香氣， 卻不會過辣， 而且蟹肉的結實度和原有的鮮味可以保存到， 不會被黑胡椒搶曬風頭！
尤其是大蟹鉗就係我最愛吃嘅部分！ 除了淡淡肉質感之外， 細心的廚師還將大蟹鉗的殼 敲碎才煮， 黑胡椒的香味和大蟹鉗的鮮甜簡直絲絲入扣， 好味滿分！
然後個蟹蓋都內有乾坤㗎， 不過我朋友鍾意食蟹蓋我整個讓他吃了， 見到佢食到津津有味的樣子好滿足哦~
蟹汁炒蛋這個也是很有特色的菜， 但看起來很熟， 吃起來卻沒有老的感覺， 而且辣辣的， 又有蟹肉嘅鮮味， 佐飯一流！
今晚決定食咖哩雞， 食咖哩雞平時可以配白飯， 不過我個人認為識食係要配印度薄餅(≧∇≦)
本身鬆脆香口多層的薄餅， 將咖哩汁淋上面， 吸收咗咖哩汁嘅薄餅要快手吃掉，既keep到香脆又惹味剌激！ 咖哩走印度feel, 比日本咖哩要辣很多， 又比巴基斯坦咖哩冇咁辣，主要夠香，好味！
平時食好多蒜蓉炒通菜， 這裡的通菜有一個非常特別之處， 就是我發現什少食到梗， 基本上一整碟都係葉， 超奢華(≧∇≦) 就好似食緊豆苗咁， 現在食的是通菜苗，哈哈！ 原來通菜苗格外嫩口格外吸收醬汁格外好味㗎！
张贴
