影片
更多
2018-03-27
363 浏览
車仔麵係香港特色之一, 雖然好似只係幾個餸煮埋一碗麵咁簡單, 但文記卻令呢碗麵變得唔簡單。說來慚愧, 成日行經深水埗都冇入過黎食, 次次見到多人排隊就諗住下次先啦。終於今次的起心肝, 睇下呢間嘅車仔麵有咩本事好食到一條街可以開足三間!果然冇令我失望!我去個一間應該係最新嘅, 望落門面同入面都好新淨好"骨子"。牆上掛住十大必食推介當然要試下!我地兩個麵分別叫左豬手牛孖筋菜心河同埋蘿蔔魷魚花菇油麵, 再加一碟瑞士雞翼。只能夠講每一樣餸都好出色, 我特別鐘意豬手牛孖筋同魷魚。瑞士雞翼真係不得了, 入味之餘但好嫩!火候啱啱好, 熟得黎唔會煮到D肉好老, 配瑞士汁真係一流!係我食過最好食嘅瑞士雞翼!真係要彈嘅話, 唯一一樣就係瑞士汁湯底好油, 不過可能本身隻汁就多油, 所以瑞士汁都係留俾雞翼好lu.
說來慚愧, 成日行經深水埗都冇入過黎食, 次次見到多人排隊就諗住下次先啦。終於今次的起心肝, 睇下呢間嘅車仔麵有咩本事好食到一條街可以開足三間!果然冇令我失望!
我去個一間應該係最新嘅, 望落門面同入面都好新淨好"骨子"。牆上掛住十大必食推介當然要試下!
我地兩個麵分別叫左豬手牛孖筋菜心河同埋蘿蔔魷魚花菇油麵, 再加一碟瑞士雞翼。只能夠講每一樣餸都好出色, 我特別鐘意豬手牛孖筋同魷魚。瑞士雞翼真係不得了, 入味之餘但好嫩!火候啱啱好, 熟得黎唔會煮到D肉好老, 配瑞士汁真係一流!係我食過最好食嘅瑞士雞翼!
真係要彈嘅話, 唯一一樣就係瑞士汁湯底好油, 不過可能本身隻汁就多油, 所以瑞士汁都係留俾雞翼好lu.
张贴
