梵日本焼鳥

营业中

休息中

任何菜式嘅餐廳都可以喺厚福街搵到，所以每次喺尖沙咀行完街都會去厚福街搵嘢食，今次都唔例外，我哋去咗H8 頂樓嘅梵日本燒鳥🇯🇵餐廳採用落地玻璃，坐喺窗邊嘅朋友一邊食飯一邊飽覽香港夜景，我哋今次坐咗喺吧枱，可以目睹師傅燒鳥嘅製作過程。我地叫咗嘅套餐包括前菜、10串燒鳥、主食同甜品。十串燒鳥食匀牛、雞、豬同蔬菜，整體燒鳥味道唔會話調味好重，食得出材料既新鮮。價錢喺$500之內但係食到好飽，非常抵食。前菜係蘿蔔加肉碎，有少少中式味道感覺。手羽先燒至金黃色。雖然唔係啖啖肉，但外皮香脆而且肉質鮮嫩。免治雞肉棒無配埋雞蛋，不過好夠味道，入面加左雞軟骨粒，口感非常豐富。鰻魚超大條肥美，啖啖肉無咩細骨，味道香甜😋十款燒鳥之中，最印象深刻係豚肉紫蘇肉卷，我自己非常鐘意紫蘇葉獨特清香既味道，配上肉汁豐富既豚肉，簡單而美味🤤最後兩款燒鳥比較健康，分別係秋葵同蘆荀，前者口感清脆，後者非常清甜。主食方面女友叫左燒飯團，味道唔會過鹹，飯團燒得好香口，仲要唔黏牙。至於我就叫左迷你滑蛋雞肉飯，雞肉好嫩滑，雞蛋勁滑溜。最後以雪糕作結，客人可以揀三個味道，我哋試咗榛子同開心果，味道唔會話太甜。