鹹蛋王@Freshlane (已結業)

之前試過1次freshlane好方便，見到炮台山呢間又有不同既餐廳就試左鹹蛋王Ham Dan King 。至到5月8日都有新張優惠，落單滿100蚊有半價，真係好抵食。邪惡黃金醬炸雞飯 $ 68好大盒飯!雞肉份量好多，每粒可一口過好方便又冇骨。鹹蛋黃醬有流沙效果，粒粒雞肉都沾滿左鹹蛋黃醬，好有新加坡鹹蛋黃薯片既感覺。太陽蛋煎得靚靚，蕃茄，青瓜同生菜非常新鮮，好有東南亞風味。醬油炸豬飯 $ 64秘製醬油汁調得好好，甜甜地吊起到肉味，D汁足夠可以撈埋飯，。鹹蛋黃醬雞翼 $34炸得好酥脆，配左一盒惹味鹹蛋黃醬，見證住雞翼沾上醬油，咸香濃稠，口感流沙creamy，真係幾正。佢有3款醬配豬、雞、蝦俾客人mix & match 。鹹蛋黃醬當然係皇牌，但醬油都真係幾唔錯。位置都顯眼就係城市花園商場，離遠都見到綠色招牌，係網站落完單隔10分鐘就有得拎。