小籠家族 (已結業)

中午係呢頭附近做完義工，正好肚餓同朋友行下搵下見到呢間小籠家族，橫掂都好耐無食過上海菜，就決定食呢間啦餐廳座位唔算太舒服，主要坐板凳同圓凳好彩有冷氣搭救，大熱天時冷氣唔夠都幾辛苦家族海鮮炒飯評分: ★★★★我自己就一向都幾鐘意食海鮮炒飯。呢個炒飯夠乾身，有好多我鐘意食既蝦仁，都幾爽口。不過略嫌咸左少少，濃醬油落得重手左少少。不完美，可接受，要改善。干煸四季豆評分: ★★★★★干煸四季豆要炒得夠乾身先好食，但四季豆呢類蔬菜比較容易出水，所以師父既功夫要有返咁上下先整得好。呢度師父手勢幾好，夠哂乾身~四季豆好鮮色，夠哂肥美飽滿，完全無炒燶到，唔錯唔錯~小籠包評分: ★★★小籠包做到飽滿湯汁既效果，外表有發揮應有既作用，唔容易爛~可惜入面既肉餡肥豬肉比較多左少少。流沙煎堆評分: ★★★★煎堆係芝麻流沙餡，新鮮即炸熱辣辣~食既時候要小心啲，唔好太心急芝麻味又香又濃，唔會過甜，作為甜品佢好到位