酒燒弄 (已結業)

我最鍾意食呢度嘅燒醬油芝士年糕，因為喺出面好少機會食到，芝士年糕沾上醬油再用紫菜包住，味道好特別。呢度除咗唔同種類嘅串燒之外，仲有主食可以揀，今次我就食咗稻庭烏冬，海鮮味增湯好鮮味，令人好想不停食落去。雞泡魚乾燒得好香，一啲都唔硬，仲有沙律醬可以點嚟食。而我最鍾意食嘅係和牛上肩肉，因為肉質好軟，差唔多做到入口即溶嘅感覺。朋友食嘅蕃茄湯底都唔錯，好多蕃茄煮成嘅湯底好入味，仲有啲木魚絲放咗喺上邊，都值得一試。