影片
更多
2017-06-18
121 浏览
今晚本身book左呢間食父親節飯的, 訂位時已知分時段食飯, 我地book左夜晚8點時段, 我屋企人未夠8點已經去到餐廳等入座的, 但等左好耐(接近30分鐘)都一直未安排到入座...餐廳員工及經理只交待之前入座的枱未食完食物, 所以未可安排入座, 但係本身佢地訂坐條款就係要分時段入座+有限用餐時間, 為何要之後時段的客人等候呢? 如果是這樣, 咁應該唔可以用分時段入座, 應該先到先入才合理吧其實當時門口已經有好一大堆人也是未安排到入坐的, 輪侯次序也亂到七彩, 邊堆人先到應先入, 員工也搞唔清楚, 其中有一大枱客人(也是訂8點入座的)在門口開始鬧+拍枱, 咁餐廳就即時儘快將此枱客人安排入座了, 但明明到達等候是我們這一家先到的(8大+2細), 只因那一家人大吵大鬧才又可入先, 當時已經很不好平了. 好喇, 直到大概8:35時, 其中員工問我們可否分兩枱坐, 那可以安排即刻入座, 但因為是全家慶祝父親節, 仲要打邊爐, 所以我地reject左, 話要一張枱過, 當時有一大枱將會埋單, 並說了一走就是安排給我們的. 當然我們也不停催, 但員工及經理也只是說要等, 因客人未食完, 因父親節,
今晚本身book左呢間食父親節飯的, 訂位時已知分時段食飯, 我地book左夜晚8點時段, 我屋企人未夠8點已經去到餐廳等入座的, 但等左好耐(接近30分鐘)都一直未安排到入座...餐廳員工及經理只交待之前入座的枱未食完食物, 所以未可安排入座, 但係本身佢地訂坐條款就係要分時段入座+有限用餐時間, 為何要之後時段的客人等候呢? 如果是這樣, 咁應該唔可以用分時段入座, 應該先到先入才合理吧
其實當時門口已經有好一大堆人也是未安排到入坐的, 輪侯次序也亂到七彩, 邊堆人先到應先入, 員工也搞唔清楚, 其中有一大枱客人(也是訂8點入座的)在門口開始鬧+拍枱, 咁餐廳就即時儘快將此枱客人安排入座了, 但明明到達等候是我們這一家先到的(8大+2細), 只因那一家人大吵大鬧才又可入先, 當時已經很不好平了.
好喇, 直到大概8:35時, 其中員工問我們可否分兩枱坐, 那可以安排即刻入座, 但因為是全家慶祝父親節, 仲要打邊爐, 所以我地reject左, 話要一張枱過, 當時有一大枱將會埋單, 並說了一走就是安排給我們的. 當然我們也不停催, 但員工及經理也只是說要等, 因客人未食完, 因父親節, 只可以等沒辦法, 態度+負責程度真係好差勁, 當時我地也已經好火...但因為又落大雨, 又星期六, 又父親節...所以都費事轉地方食, 怕沒有位.
等了又等...大概8:45時, 有另一枱客(6大2小)的準備入座到2張4人枱(即分枱坐), 而我們將可入座的那枱的客人也剛起身, 就係呢個moment....原先分枱坐的那枱客突然想坐到我地要坐的一張枱, wow....當時我d屋企人立即阻止啦, 因為明明是到我地, 又比人霸埋, 立即有兩幫人開始嘈啦....點解佢地要分枱, 我地唔洗, 而當時經理及員工完全安排不善, 又不解釋清楚, 真係未開始粥鍋都已經個個火都滾 (最後我們也解釋了, 因為是我們先reject分枱坐, 而他們accept分枱坐, 亦是有先後次序的吧)
好啦....最終我地大概9:00終於叫可以坐低左了(等了多過1小時), 其實個mood大家都無左一半, 咁點野食啦....點知仲把鬼火, 原先的海鮮套餐已售罄, 想點的粥鍋又售罄, 本身打算係食下海鮮涮涮粥鍋的, 但海鮮已經無左9成, 我當時問員工, 其實你地仲有d乜海鮮? 想點既全部無, 咁食d乜? 佢話有....可以叫牛呀...雞呀, 海鮮都仲有....亞拉斯加蟹, 龍蝦. 象拔蚌, 仲有種唔記得乜名既魚成$600條 (得返全部貴野), 我都即時好老實咁答佢. 唔係化淨係得返d咁貴既海鮮, 我叫埋咪4-5千都埋唔到單, 比呢個價我不如真係去食海鮮啦.
所以....最終我地起身轉場了, 無可能迫自己食得咁唔開心架, 搞左成個幾鐘, 有老有B...又熱又雨又企....真係大家都好唔all right~~~我係第一次寫食評...只因咁差既經歷!!!! anyway, 原先諗住食完一次都未必再有下次, 點知最後連一次都食唔到我地也不覺得可惜!
题外话/补充资料：
覺得今次事件係餐廳處理得好差, 明知是父親節又星期六, overbooked得咁緊要亦沒有足夠食材供應, 知道做生意個個想搵錢, 但都應該要理下客人感受囉....感覺佢地連say句sorry都好無誠意!
(以上食记乃用户个人意见 , 并不代表OpenRice之观点。)
张贴