北京人家 (已結業)

今朝起身口痕痕想食小籠包, 又唔想去咁遠, 就去左北京人家飲茶我地2個人叫左3個點心, 2個小食, 呢度點心水準一般, 唔難食但又唔講得上好食, 反而小食就做得唔錯!前菜(送)雖然係送的但係一D都唔馬虎, 好多料, 有青瓜, 豆腐, 花生, 貢菜同毛豆, 樣樣味道都做得好, 少少辣, 好開胃雞湯小雲吞(小食)一碗6粒, 雲吞皮好薄, 可以好清楚睇到入面D餡, 豬肉整得好入味, 入面仲有少少曲姜絲, 好滿足, 不過雞湯就唔得, 但係廿幾蚊一碗都預左唔會係用新鮮雞湯鮮帶子腸粉一睇就知D皮好厚, 本來好失望唔想食, 不過抱住姑且一試的心情食落去, 點知雖然皮厚, 但係有腸粉應該有的「滑」, 而且帶子份量都算好多同新鮮鮮肉小籠包呢度D小籠包絕對講唔上係皮薄, 但亦都唔係厚到接受唔到, 入面湯汁都夠, 豬肉亦都算得上新鮮, 比起前2日係上水海港食的所謂蟹粉小籠包實在已經係好多多聲, 起碼呢度呢D都講得上係小籠包花蒸素餃花蒸素餃作為一道上海著名菜色, 但係妹子我從來未食過, 今日終於一試, 同呢到其他點心一樣, 都唔係做到皮薄, 不過以餃子黎講都算OK, 值得一提的係餡料唔錯, 料多份量多, 有