印尼餐廳1968 (已搬遷) 新店位置

疫情以嚟都無見過呢 2 個朋友，差不多 2 年無見揾個坐得舒服嘅地方傾吓計。為咗就放工無咁準時嘅朋友就揀近佢返工嘅地點，點知佢最早到 🤣🤣印尼炸粟米餅，如果屋企有印尼姐姐就可能成日會食到，無嘅就要出嚟食啦，當然自家制一定平好多 🤣🤣🤣 呢度嘅味道都唔差。咖哩黑毛豬好味唔辣，最正係跟一份咖哩菜，即刻覺得好抵。串燒雞同豬正常，但個沙爹汁好好味，夠杰身，其實我覺得啲串燒係配角，個汁先係主角 😋😋我叫咗個熱水果茶，唔同台式有橙汁菜，佢呢隻係濃濃嘅紅茶加蘋果粒，茶味夠濃澀，好彩啲蘋果平衡返個味，比較普通。我哋坐個位置上棧燈壞咗，餐廳就唔肯幫我哋換檯，除咗暗咗啲，位置也算坐得舒服。