村爺爺車仔麵 (已搬遷) 新店位置

去到門口就被問食咩，其實仲未睇食咩。見佢話新開期内有優惠 25蚊三餸 同 優惠價ge龍蝦湯麵加黑豚肉包露筍，就同朋友各要一個。龍蝦湯麵一黎佢就問我要粗麵定幼麵，以為得粗麵or幼麵，所以嗌左粗麵。之後嗌三餸，要左牛肋肉、貢丸同魚皮餃。好快就有得食粗麵好大陣鹼水味，同行話無咩，可能我好唔鐘意鹼水味。但個龍蝦湯就幾足料，味夠濃如果配米線就perfect! 另外個黑豚包露筍就好好味，露筍夠fresh，黑豚肉就唔知係未黑豚，但就唔un，點芝麻醬好好味三餸麵就話湯底係煲左好耐ge豬骨湯，何以見得？好普通，另外啲餸都無咩特別。原來個sauce係和牛油，可能太少sauce，品嘗唔到。同埋啲餸特少，同行食完要再食其他野。總括而言，普普通通，可以入去諗清楚先落單就最好。