和味館 (已結業)

睇完戲, 去兆萬行咗個圈, 見呢間放題唔使等位, 又已經有幾枱食客, 所以攞位入座！有刺身/壽司/火鍋/燒物/連炒飯,炒貴刁都有, 選擇多完化！先食刺身，三文魚切得厚厚 ; 帶子, 北寄貝, 甜蝦等, 都好新鮮。再食燒物, 有羊架（好香, 唔會過熟，而且冇羶味）, 帶子, 鷄翼, 脆肉瓜和茄子, 味道唔錯。炒蜆, 青口都幾辣, 我食咗少少, 其他的朋友清哂, 佢話夠辣, 啱哂佢口味！另外都試咗炒飯同貴刁, 炒飯直得一讚, 好乾身, 而且唔油, 又香, 材料又多（色括有三文魚, 蟹子, 粟米粒等）！貴刁都唔差, 不過我哋鍾意炒飯多D！最後係甜品時間, 選了麥提莎糯米糍和北海道牛乳 （侍應話係佢哋自家製的）; 北海道牛乳好滑, 而麥提莎糯米糍雖然只是麥提莎外面包層糯米, 但喺出面好少有, 都算有心思！走時全場爆滿，好在早食飯。食完返屋企上OpenRice睇睇食評, 見到有好多劣評, 但我今次試又好似冇咁差！