完美煮意 (已結業)

陪完朋友攞貨睇戲後，又係時候搵食，見派傳單開左新餐廳，dinner set 88蚊起，貌似唔錯又上去試下先。跟餐的沙律，菜只有西生菜，但好在新鮮，爽口，而且麻醬下得很多。餐飲轉凍飲加3蚊，轉特飲加15蚊，要了凍檸茶同茉香奶茶，夠哂凍啱哂呢排咁熱飲。加30蚊可以有兩款小食，要左三款小食同一個甜品，左起洋蔥圈，薯條同蒜容包，炸得太乾身了點，蒜容包硬過餅乾。西班牙海鮮炒飯 $155主菜要左呢樣，份量有點少啊……海鮮係冰鮮貨，味道一般，飯用的是珍珠米，炒得不夠香口，頗軟腍亦沒什麼味道，有點失望了。燒烤醬燒香蒜惹味豬肋排 $88另一款要左呢樣，豬仔骨幾入味，呢盤啲薯條無咁乾身喎，幾好味，不過又係好細份。香煎帶子雜菌忌廉意粉 $128仲點左呢樣，意粉彈牙，雜菌下得幾多，不錯。加錢可以有甜品，是日係焦糖燉蛋，蛋好滑，甜度適中，全晚中最有驚喜。食物味道一般，價錢進取，勝在環境濶落夠冷氣幾好坐，而且無時限，食完野都可以繼續坐下吹水。