相馬日式火鍋 觀塘 (已結業)

📍 相馬日式火鍋 觀塘今年大閘蟹季節又黎啦😍上年我試過去西環嘅相馬，嗰陣時西環店啱啱先開張，食物嘅質素都相當之好🙌🏻今年諗住近近地去觀塘試吓。我哋星期日嘅晚市第一個時段去，價錢係$418加一，17:00-20:00 3小時。除咗有大閘蟹放題之外，仲有火鍋放題、炸物、串燒 、海鮮、雪糕同飲品。仲見到食物兜旁小強🥶🥶🥶一坐到埋位第一時間就係order火鍋湯底，我哋加咗錢叫龍蝦湯底，湯底嘅味都幾重好香龍蝦味🤭🤭另外一個火鍋湯底我哋叫咗都幾出名多人叫嘅胡椒雞湯，依家反而呢個湯比較鹹，唔係咁好食。🪄第一輪嘅蟹我諗都係預先蒸好，我要按人頭上蟹，每人兩隻，唔知點解第一round嘅蟹好似琴日隔夜嘅，比較梅同細隻、蟹肉比較碎。🪄第二輪嘅蟹比較新鮮，但好似我post出嚟嘅嗰張圖咁，好多膏，明顯同第一round有分別。不過唔係每一隻都有蟹膏。之前喺西環食個陣隻隻都好大隻，好多膏。相對上今年好失望。🪄之後嗰幾輪都係，蟹膏比較少，唔係隻隻有。🪄海鮮盤我就冇影到相因為我哋唔係叫咗好多，大頭蝦全部都仲係識得郁，新鮮👍🏻👍🏻🪄肥牛就油脂分布平均，牛肉味濃郁，可以叫多幾轉😌不過感覺上真係冇西環嗰啲咁好食大家可以考慮吓，