玖五牛肉麵 (已結業)

今日 19/5/18 同囡囡去銅鑼灣行街，行到中午食午飯時間，突然想食台灣麵，醒起呢頭有間明星開的牛肉麵店就在附近，所以行去試一試下，係咪想像中咁好食。地址位於鵝頸橋附近，都好易揾到。到了麵店，都已有很多人在内食緊，但都有位，唔駛排隊就可以入座。裡面環境簡單，都比較静，有成十張木枱，但係坐得唔太舒適，都係食完就要走嘅隔局。我地叫了紅燒牛肉麵 2 碗 $78 each, 加台式珍珠奶茶$29 及 冬瓜檸檬珍珠茶$31碗麵份量適中，牛肉有5 件，但我覺得比較韌，我成日都食台灣麵，好多間都煮得好淋軟滑，但呢間好梗，食落又痴牙，真令我失望，因為見傳媒雜誌都講到好正好好食，原來真係比面何小姐咋，吹水吹到咁。麵就比較梗，原先寫單時寫明要軟麵，佢送到黎都話軟麵，點知食落就係梗，令人費解，咁又何必要比我地簡呢。。。 真係佐敦台灣麵仲好食得多。杯珍珠奶茶就唔同，真係好好飲，珍珠又好煙韌好咬口，一定要試冬瓜檸檬珍珠茶就無特別，仲甜過頭，可因為唔夠冰，唔多夠凍，另外檸檬多核，吸珍珠食時就爭 d哽死，真係要小心真係無咩驚喜，無需要專登黎食囉~