影片
更多
2013-10-05
65 浏览
早排睇雜誌既抹茶甜品特輯，介紹呢間位於佐敦既宏，想試好耐但一直未有機會，今日終於可以一嘗心願試下佢最出名既抹茶卷蛋了。見Openrice 話好多人等位，心想死啦，唔知會唔會餓親老公架！點知去到門口冇人等位之餘，入面仲有大量吉枱，二話不說揾張二人枱坐低，翻開餐牌睇下有乜啱食啦！食物款式唔多而且價錢偏貴，我個心已被櫥窗既甜品所吸引，只想盡快吃甜品，於是老公點了一個咖哩烏冬既時候我只追加了一碗細叉燒雞肉飯，繼而去甜品櫃八卦一番，為第二輪做下準備。除了主食，甜品價錢一樣唔平，細既卷蛋15蚊起，大既則30蚊或以上，其中日本士多啤梨卷蛋更索價$60，之前喺另一間店以$32買抹茶紅豆卷已覺貴，今次仲一個 double 咁滯，心想反正想多試幾款甜品，於是決定全部買細件的。呢個時候我地點既咖哩湯烏冬同細叉燒雞肉飯已上，店員好細心，見我地只點一個餐，喺食物上桌既時候已連一個吉碗及多對筷子俾我地，讚！望落去個咖哩湯烏冬唔錯，烏冬唔同我地食開嗰啲白雪雪肥烏冬，佢較似稻庭烏冬偏扁身，但上面係有少少黑點灰色咁，佢個原名其實係海藻烏冬，食落唔滑但幾彈牙，不過個咖哩湯竟然冇味，要喪加七味粉，失望。叉燒雞肉飯同我想像既
除了主食，甜品價錢一樣唔平，細既卷蛋15蚊起，大既則30蚊或以上，其中日本士多啤梨卷蛋更索價$60，之前喺另一間店以$32買抹茶紅豆卷已覺貴，今次仲一個 double 咁滯，心想反正想多試幾款甜品，於是決定全部買細件的。
呢個時候我地點既咖哩湯烏冬同細叉燒雞肉飯已上，店員好細心，見我地只點一個餐，喺食物上桌既時候已連一個吉碗及多對筷子俾我地，讚！望落去個咖哩湯烏冬唔錯，烏冬唔同我地食開嗰啲白雪雪肥烏冬，佢較似稻庭烏冬偏扁身，但上面係有少少黑點灰色咁，佢個原名其實係海藻烏冬，食落唔滑但幾彈牙，不過個咖哩湯竟然冇味，要喪加七味粉，失望。叉燒雞肉飯同我想像既唔同，以為係少少肉加汁喺白飯上，原來佢做左釡飯，好似媽媽煮既有味飯又或豉油撈飯咁，味道OK但佢加左我唔食既本菇同紅蘿蔔絲，所以我吃了幾口就全部俾哂老公。
主食唔啱我唔緊要，因為仲有好多蛋糕等梗我，我先點了件細既抹茶卷同咖啡卷，然後再點抹茶戚風蛋糕，再嚟點我近期好愛既馬卡龍，呢度唔係以賣西式甜品作主打，其馬卡龍口味都算多，除左大路既抹茶﹑朱古力﹑檸檬﹑焦糖﹑玫瑰等外，Bailey真係第一次見，另外有幾款口味其餡料係棉花糖嚟既，包括櫻花﹑蘋果﹑蜜瓜等5款，各15蚊，價錢唔算貴但佢好細粒架。我一次過揀了9粒，包括至愛抹茶﹑朱古力﹑玫瑰﹑鹽味焦糖﹑Bailey﹑櫻花﹑蘋果﹑日本草莓及蜜瓜，蛋糕堂食，馬卡龍則帶走。
喺我準備食蛋糕既時候，店員好禮貌問我駛唔駛雪住外賣既馬卡龍，我話唔駛，佢見我影相，又問我要唔要開番啲杏仁蛋白餅出嚟影，我話唔駛，到我影完，佢又問我要唔要雪，我話我而家會食，不用了，全個過程好有禮同俾人好 helpful 既感覺，又要讚！講番甜品既味道，卷蛋唔算好濕潤，冇張住個口既感覺，但抹茶味幾濃，忌廉OK滑，咖啡味則一般，老公覺得以佢既質素則定價太貴喎！至於抹茶戚風蛋糕，其實有點像連鎖餅店既天使蛋糕，只係轉左口味啫，食味普通啦！而馬卡龍呢，口感尚可，個餅係脆，但味道都唔見得太突出。
此店之所以價錢貴，係因為店既食材全部係日本進口喎！雖然係咁，但杯芭菲定價成七﹑八十元，淨烏冬又係八十多，有牛肉則已過百，以其味道質素嚟講，實在過貴。我諗我唔會翻頭幫襯，未食過又算係抹茶控的話，都可以一試既！
题外话/补充资料：
不用加一
(以上食记乃用户个人意见 , 并不代表OpenRice之观点。)
张贴
