興記茶餐廳 (已搬遷) 新店位置

牛下清拆在即，咪黎湊下熱鬧囉果然鬼死咁多人仲係門口排左陣隊先入到去。幾有特色既舊式茶記，迫迫夾夾囉，有天花三葉風扇。搵左一台卡位坐低左，嗌左個扒餐，豬扒多士，凍奶荼咁囉。扒餐不堪一擊，ｄ油四濺在碟邊，油膩油膩；腸蛋包普通到唔普通既貨色，絕對唔敢有意見。而杯奶茶普通囉未見突出之處，但味是較甜的豬扒多士幾精緻但未能得到我既欣賞，肉質奶滑入味但就唔鐘意食薑味喇我。而豬扒未乾身就放上多士，唔香口始終好難食既最值既係件炸雞脾囉，十蚊大大隻，雖然個樣黑ｄ唔太討好，但香脆可口，生炸都能留住肉汗和鮮味，我收貨喇！呢段時期ｄ單鏡機就出沒，周圍影；我就坐正個龍友前面，係咁係我背隻影影影，我食一啖佢影一下，果個龍友真係好滋擾我。事關佢部機又大喎，隊到我幾次背隻囉總括黎講，黎呢度食懷舊氣氛食污糟既環境，唔係就拆一定唔係咁多人黎食，可能人情味會值回唔少票價啦。